சிறைச்சாலை கூரையை பிரித்துக் கொண்டு 4 கைதிகள் தப்பி ஓட்டம்..! போதை அடிமைகள் என்கிறது சிறைச்சாலை திணைக்களம்..

போதைப் பொருளுக்கு அடிமையான 4 பேர் குளியாப்பிட்டிய சிறைச்சாலையிலிருந்து தப்பி ஓடியுள்ளதாக சிறைச்சாலைகள் திணைக்களத்தின் நிர்வாக ஆணையாளர் சந்தண எக்கநாயக்க கூறியுள்ளார். 

நேற்றிரவு சிறைக்கூடத்தின் கூரையிலிருந்த ஓடுகளைக் கழற்றி அவர்கள் தப்பிச்சென்றுள்ளதாக நிர்வாக ஆணையாளர் கூறினார். எவ்வாறாயினும், தப்பிச்சென்ற கைதிகளில் ஒருவர் 

வாரியபொல சிறைச்சாலையில் சரணடைந்துள்ளதாக சிறைச்சாலைகள் திணைக்களத்தின் நிர்வாக ஆணையாளர் சந்தன ஏக்கநாயக்க மேலும் தெரிவித்தார்.

வாரியபொல சிறைச்சாலையினால் குளியாப்பிட்டிய சிறைக்கூடம் தற்போது கைதிகளின் தனிமைப்படுத்தல் நிலையமாக பயன்படுத்தப்படுகின்றது. 

தப்பிச்சென்றுள்ள கைதிகள் தொடர்பில் அனைத்து பொலிஸ் நிலையங்களுக்கும் அறிவிக்கப்பட்டிருப்பதாக சிறைச்சாலைகள் திணைக்களத்தின் நிர்வாக ஆணையாளர் சந்தன ஏக்கநாயக்க கூறினார்.

இவர்கள் குளியாப்பிட்டிய பகுதியைச் சேர்ந்தவர்களெனவும் அவர் மேலும் தெரிவித்தார்.