தமிழ் மக்களுக்கு மன்னிக்க முடியாத கொடூரங்கள் நிகழ்த்தப்பட்டன: குகதாஸ்
எமக்கான நீதி பொறுப்புக்கூறலை கடந்த கால அரசாங்கமும் படையினரும் கூறித் தான் ஆக வேண்டும். எங்கள் மக்கள் மீது நடத்தப்பட்ட இந்த அநியாயங்களை ஒரு காலமும் மறக்கப்போவதில்லை.
மன்னிக்க முடியாத பல கொடூரங்கள் எமக்கு நிகழ்த்தப்பட்டன. ஐ.நா. மனித உரிமைப் பேரவையில் தற்போதைய சூழல் எமக்கு சாதகமாக இருப்பதனால் இதனைப் பயன்படுத்தி எமக்கான பொறுப்புக்கூறல், நீதி விசாரணை கிடைப்பதற்கு முதலமைச்சர், தமிழ்த் தலைமைகள் ஒன்றுபட்டு இதற்கான நடவடிக்கையை எடுக்க வேண்டும் என்று வடமாகாண சபையின் புதிய உறுப்பினர் சபாரட்ணம் குகதாஸ் தெரிவித்தார்.
புதிய உறுப்பினராக சத்தியப் பிரமாணம் செய்து கன்னியுரையை நிகழ்த் தும் போதே அவர் இதனைத் தெரிவித்தார்.
