திடீரென இடித்து விழுந்த ஹோட்டல்!! -இடிபாடுகளுக்குள் சிக்கி 29 பேர் பலி-

சீனாவில் உள்ள ஹோட்டல் ஒன்று இடிந்து விழுந்ததால் ஏற்பட்ட கோர விபத்தில் பலியானவர்களின் எண்ணிக்கை 29 ஆக உயர்ந்துள்ளது.

அந்நாட்டின் வடக்குப் பகுதியில் உள்ள சாங்சி மாகாணம் ஜியான்பெங் நகரில் சென்{ஹவாங் என்ற கிராமத்தில் 2 மாடிகள் கொண்ட பழமையான ஹோட்டலிலே இவ்வாறு இடிந்து விழுந்துள்ளது. 

இதன் போது அங்கு 80 வயது முதியவர் ஒருவரின் பிறந்ததினக் கொண்டாட்டத்திற்கு வந்தவர்கள் இடிபாடுகளுக்குள் சிக்கியுள்ளனர். 

இந்த சம்பவம் குறித்து உடனடியாக மீட்புப்படையினர், போலீசாருக்கு தகவல் கொடுக்கப்பட்டது. மீட்புப்பணியில் நூற்றுக்கும் மேற்பட்ட வீரர்கள் மீட்பு பணியில் ஈடுபடுத்தப்பட்டனர். 

அவர்களுடன் அப்பகுதி மக்களும் சேர்ந்து மீட்பு நடவடிக்கையில் இறங்கினர். இதில் இடிபாடுகளில் சிக்கி 2 பேர் உயிரிழந்ததாகவும் 10-க்கும் மேற்பட்டோர் காயங்களுடன் மீட்கப்பட்டதாகவும் முதற்கட்ட தகவல்கள் தெரிவித்தன.

இந்த நிலையில் கட்டிட இடிபாடுகளில் இருந்து மேலும் 27 பேர் பிணமாக மீட்கப்பட்டனர். இதனால் இந்த கோர விபத்தில் உயிரிழந்தவர்களின் எண்ணிக்கை 29 ஆக அதிகரித்துள்ளது.