விடுதிக்குள் புகுந்து தீவிரவாத தாக்குதல்!! -7 பேர் பலி: 20 பேர் காயம்-

சோமாலிய தலைநகர் மொகாடி{வில் உள்ள பிரபலமான எலைட் விடுதியில் நேற்று இரவு பயங்கரவாதிகள் கார்க் குண்டுத் தாக்குதல் மற்றும் சரமாரித் துப்பாக்கிச் சூடு நடத்தியுள்ளனர். 

இக் குண்டுத்தாக்குதல் மற்றும் அங்கு நடந்த நேரடி மோதலில் 7 பேர் உயிரிழந்துள்ளதுடன், மேலும் 20 ற்கும் மேற்பட்டவர்கள் காயமடைந்துள்ளனர். 

கடற்கரையில் உள்ள குறித்த விடுதிக்கு முன் பயங்கரவாதிகள் திடீரெனக் கார்க் குண்டொன்றை வெடிக்க வைத்தனர். அதனைத் தொடர்ந்தே ஹோட்டலுக்குள் நுழைந்து தாக்குதல் நடத்தினர் என அரசாங்க செய்தித் தொடர்பாளர் இஸ்மாயில் முக்தர் உமர் தெரிவித்தார்.

இத்தாக்குதில் அரச தகவல் தொடர்பு அமைச்சின் பணிப்பாளர், மற்றுமொரு அரச அதிகாரி, 3 பொதுமக்கள் கொல்லப்பட்டுள்ளனர். மேலும் பயங்கரவாதிகள் இருவரும் சம்பவ இத்தில் அரச படைகளால் சுட்டுக் கொல்லப்பட்டனர்.