5 பெண்கள் உட்பட 33 போதைப்பொருள் கடத்தல்காரர்கள் கைது..! பொலிஸாரின் அதிரடி சுற்றிவளைப்பில் சிக்கினர்..

போதைப் பொருள் கடத்தல்காரர்கள் விற்பனையாளர்களை இலக்குவைத்து நடத்தப்பட்ட தேடுதலில் 5 பெண்கள் உட்பட 33 பேர் கைது செய்யப்பட்டுள்ளனர்.

கிறாண்ட்பாஸ் பொலிஸ் பிரிவுக்குட்பட்ட பகுதியில் நேற்று முன்தினம் வெள்ளிக்கிழமை இரவு முன்னெடுக்கப்பட்ட விசேட சோதனை நடவடிக்கைகளின் போதே சந்தேக நபர்கள் கைது செய்யப்பட்டதாக பொலிஸ் ஊடகப்பிரிவு தெரிவித்தது.

இதன்போது பொலிஸ் விசேட அதிரடிப்படையினர் மற்றும் கொழும்பு வடக்கு பிரிவின் பொலிஸார் உள்ளடங்களாக 517 பொலிஸார் இந்த சோதனை நடவடிக்கைகளில் ஈடுபட்டுள்ளனர்.

அதற்கமைய, 37 கிராம் 830 மில்லி கிராம் ஹெரோயின் , 85 கிராம் கஞ்சா போதைப் பொருள் மற்றும் 11 போதை மாத்திரைகளுடன் 28 சந்தேக நபர்கள் கைது செய்யப்பட்டுள்ளதுடன் , 4 இலட்சத்து 49 ஆயிரம் ரூபாய் பணம் மற்றும் 6 தொலைபேசிகளுடன் ஐந்து பெண்களும் கைது செய்யப்பட்டுள்ளனர்.

சந்தேக நபர்கள் தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.