பல்கலைக்கழகங்கள் 22ஆம் திகதி திறப்பு!

அனைத்துப் பல்கலைக்கழகங்களும் இறுதி ஆண்டு பரீட்சைகளுக்காக, எதிர்வரும் 22ஆம் திகதி மீளத் திறக்கப்படவுள்ளன என்று பல்கலைக்கழக மானியங்கள் ஆணைக்குழு அறிவித்துள்ளது.

கொரோனா தொற்றை தொடர்ந்து கடந்த மார்ச் மாதம் மூடப்பட்ட பல்கலைக்கழங்களை மீளத் திறப்பதில் அரசாங்கம் கவனம் செலுத்தியுள்ளது. பல்கலைக்கழகங்களின் மருத்துவ பீடங்கள் இறுதி ஆண்டு பரீட்சைக்காக வரும் 15ஆம் திகதி திறக்கப்படும் என்று முன்னதாக பல்கலைக்கழக மானியங்கள் ஆணைக்குழு அறிவித்திருந்தது.

இந்த நிலையில், இறுதி ஆண்டு பரீட்சைகளுக்காக, அனைத்துப் பல்கலைக்கழகங்களும் எதிர்வரும் 22ஆம் திகதி மீளத் திறக்கப்படவுள்ளதாக, பல்கலைக்கழக மானியங்கள் ஆணைக்குழு இன்று அறிவித்துள்ளது.

எனினும், பல்கலைக்கழகங்களில் வழக்கமான கல்விச் செயற்பாடுகளை மீள ஆரம்பிப்பது குறித்து இன்னமும் எந்த அறிவிப்பும் வெளியாகவில்லை.