PCR பரிசோதனையை நிராகரித்து நாட்டுக்குள் நுழைந்த அமொிக்க துாதுவராலய இராஜதந்திர அதிகாரி..! தெற்கில் பரபரப்பு தீவிரமாகிறது..

கொழும்பில் உள்ள அமொிக்க துாதுவராலய இராஜதந்திர அதிகாரி தனக்குள்ள இராஜதந்திர சிறப்புரிமை அதிகாரத்தின் கீழ் PCR பரிசோதனைக்குட்படுத்தப்படாமல் நாட்டுக்குள் நுழைந்துள்ளமை பெரும் பரபரப்பை உண்டாக்கியுள்ளது. 

இராஜதந்திர சிறப்புரிமையின் கீழ் பரிசோதனையை மேற்கொள்ளாது அவர் அங்கிருந்து வௌியேற அனுமதிக்கப்பட்டதாக விமான நிலையங்கள் மற்றும் விமான சேவைகள் நிறுவனத்தின் உபதலைவர் ரஜிவ் சூரிய ஆராச்சி தெரிவித்தார்.

கட்டார் விமான சேவைக்கு சொந்தமான விமானம் ஒன்றில் குறித்த தூதரக அதிகாரி இன்று அதிகாலை 1.30 அளவில் விமான நிலையத்தை வந்தடைந்தார். இதேவேளை, தமது இராஜதந்திர பணியாளர்கள் இலங்கைக்கு வருகைதரும் போது, 

இராஜதந்திர உறவுகள் தொடர்பிலான சர்வதேச இணக்கப்பாடுகள், தரங்கள் மற்றும் வழிமுறைகள் பின்பற்றப்படுவதாக கொழும்பிலுள்ள அமெரிக்க தூதரகம் தெரிவித்தது.