இலங்கையில் உள்ள சகல வன்முறை கோஷ்களையும் அழிக்க விசேட அதிரடிப்படைக்கு அதிகாரம்..! சில நாட்களில் பெறுபேறை காட்டுமாறு அரசு பணிப்பு..

இலங்கையில் பாதாள உலக குழுக்கள் உள்ளிட்ட வன்முறை குழுக்களை கட்டுப்படுத்தும் பொறுப்பு விசேட அதிரடிப்படையினருக்கு வழங்கப்பட்டிருக்கிறது. 

பதில் பொலிஸ்மா அதிபர் தலைமையில் நேற்று நடந்த முக்கிய சந்திப்பில் விசேட அதிரடிப்படையினருக்கு இந்த பொறுப்பு வழங்கப்பட்டுள்ளது. 

இதன்போது பாதாள உலக கோஸ்டி மற்றும் நாட்டிலுள்ள வன்செயல் குழுக்களை ஒழிக்கும் செயற்றிட்டத்தை விசேட அதிரடிப்படையினரிடம் ஒப்படைப்பதற்கு தீர்மானிக்கப்பட்டுள்ளது. 

கடந்த சில நாட்களாக மாளிகாவத்தை மற்றும் மொரட்டுவ பகுதிகளில் பாதாள உலக கோஸ்டியினர் சவால் விடுக்கும் வகையில் செயற்பட்டுள்ளனர்.

இவர்களை உடனடியாக கட்டுப்படுத்துமாறு ஜனாதிபதியும் உத்தரவிட்டுள்ளார்.இந்த நிலையில் அடுத்து வரும் நாட்களில் இதற்கான பெறுபேறுகளை பார்க்கலாம் என்றும் 

பொலிஸ் தரப்பில் கூறப்பட்டுள்ளது.