கொரோனா எதிர்ப்பு: இந்தியாவுடன் நெருக்கமாக பணியாற்றுகின்றோம்!! -டொனால்டு டிரம்ப்-

கொரோனா வைரசுக்கு எதிரான நடவடிக்கையில் அமெரிக்கா இந்தியாவுடன் மிகவும் நெருக்கமாக பணியாற்றி வருகின்றது என்று அமெரிக்க ஜனாதிபதி டொனால்டு டிரம்ப் கூறி உள்ளார்.

வெள்ளை மாளிகையில் செய்தியாளர்களர்கள் மத்தியில் கருத்து தெரிவிக்கும் போதே அவர் மேற்கண்டவாறு தெரிவித்தார். 

இவ்விடயம் தொடர்பில் அவர் மேலும் தெரிவிக்கையில்:- 

இந்த ஆண்டின் இறுதிக்குள் ஒரு கொரோனா தடுப்பூசி தயாராகி விடும் என்று நம்புகிறோம்"ஆபரேஷன் வார்ப் ஸ்பீடு" என்ற திட்டத்தின் கீழ் இந்த முயற்சியை முன்னெடுத்து வருகிறோம். இதற்காக ஒரு முன்னாள் மருந்து நிர்வாகியை நியமிப்பதாக அறிவித்தார்.

இந்திய - அமெரிக்கர்களை "சிறந்த" விஞ்ஞானிகள் மற்றும் ஆராய்ச்சியாளர்கள் என்று டிரம்ப் புகழ்ந்தார்.

மேலும் அவர் கூறும் போது "நான் சமீபத்தில் இந்தியாவிற்கு சென்று திரும்பி வந்தேன், நாங்கள் இந்தியாவுடன் மிகவும் நெருக்கமாக பணியாற்றி வருகிறோம், அமெரிக்காவில் எங்களுக்கு மிகப்பெரிய இந்திய மக்கள் தொகை உள்ளது, 

இந்தியா மிகவும் சிறப்பானது, பிரதமர் மோடி  என்னுடைய நல்ல நண்பராக உள்ளார் என்பது உங்களுக்குத் தெரியும் என கூறினார்.

கொரோனா வைரஸ் நோயாளிகளுக்கு சிகிச்சையளிக்கப் பயன்படுத்தப்படும் மலேரியா எதிர்ப்பு மருந்தான ஹைட்ராக்ஸி குளோரோகுயின் ஏற்றுமதியில் இந்தியா தனது பிடியை தளர்த்தாவிட்டால், பதிலடி கொடுப்பதாக அவர் சுட்டிக்காட்டிய ஒரு மாதத்திற்குப் பிறகு டிரம்ப் பாராட்டி உள்ளார்.