உலக அளவில் கொரோனா பாதிப்பு 40 இலட்சம் ஆக உயர்வு!!

உலக அளவில் கொரோனா வைரஸ் தொற்றுக்கு உள்ளானவர்களின் எண்ணிக்கை 40 இலட்சம் ஆக உயர்ந்துள்ளதாக அறிவிக்கப்பட்டுள்ளது. 

ஜான்ஸ் ஹாப்கின்ஸ் பல்கலைக்கழகம் வெளியிட்டு உள்ள செய்தியிலேயே மேற்படி தகவல் வெளியிடப்பட்டுள்ளது. 

இதேபோன்று உலக அளவிலான பலி எண்ணிக்கையும் 2 இலட்சத்து 77 ஆயிரத்து 860 ஆக உயர்ந்துள்ளது என தெரிவித்து உள்ளது.  அமெரிக்கா மற்ற நாடுகளை விட அதிக பாதிப்புக்கு ஆளாகியுள்ளது.  அந்நாட்டில், 78 ஆயிரத்து 600 பேர் பலியாகி உள்ளனர்.

இதனை தொடர்ந்து இங்கிலாந்து மற்றும் இத்தாலி ஆகிய நாடுகள் முறையே 31 ஆயிரத்து 662 மற்றும் 30 ஆயிரத்து 395 ஆக பலி எண்ணிக்கையை கொண்டுள்ளன.

உலக அளவில் 13 இலட்சத்து 63 ஆயிரத்து 698 பேர் குணமடைந்து வீடு திரும்பியுள்ளனர்.  இது அமெரிக்காவில் 2 இலட்சத்து 12 ஆயிரத்து 534 ஆக உள்ளது.