உயிரியல் பிரியில் கல்வி கற்றபோதுமான பெறுபேறு கிடைக்கவில்லை..! மாணவியின் தவறான முடிவு, முல்லையில் சோகம்..

கல்வி பொது தராதர சாதாரண தர பரீட்சையில் எதிர்பார்த்த பெறுபேறுகள் இல்லாத நிலையில் மன விரக்தியால் தற்கொலை செய்து கொண்ட சம்பவம் முல்லைத்தீவு மா வட்டத்தில் பெரும் சோகத்தை உண்டாக்கியிருக்கின்றது. 

சிலாவத்தை தமிழ் வித்தியாலயத்தில் கல்வி கற்ற சந்திரன் கம்சிகா (வயது 17) என்ற மாணவியே உயிரிழந்தவராவார். நேற்றையதினம் வெளியாகிய சாதாரண தர பரீட்சை பெறுபேற்றில் சிறந்த பெறுபேற்றைப் பெற்று 

உயர்தரத்தில் உயிரியல் பிரிவில் கல்வி கற்க வேண்டும் என்ற ஆவலோடு காத்திருந்த குறித்த மாணவிக்கு உயர்தரத்தில் உயிரியல் பிரிவில் கல்வி கற்க கூடிய தான் எதிர்பார்த்த பெறுபேறு கிடைக்கவில்லை என்ற ஆதங்கத்தில் 

இன்று காலை தவறான முடிவை எடுத்து வீட்டின் அறையை மூடிவிட்டு தூக்கிட்டு தற்கொலை செய்துகொண்டுள்ளார். இந்த தற்கொலை சம்பவம் குறித்து முல்லைத்தீவு பொலிஸார் மேலதிக விசாரணைகளை மேற்கொண்டு வருகின்றனர். 

இவ்வாறான முடிவை எடுத்து உயிரை மாய்த்த மாணவியின் இறப்பால் சிலாவத்தை கிராமமும் பாடசாலை சமூகமும் சோகத்தில் மூழ்கியுள்ளது.