ஒரே நாளில் 2 ஆயிரம் பேர் பலி!! -அமெரிக்காவில் தொடரும் அவலம்..

அமெரிக்காவில் கொரோனா வைரஸ் தொற்றுக்குள்ளான ஆயிரத்து 951 பேர் நேற்று மட்டும் உயிரிழந்துள்ளனர் என்று அறிவிக்கப்பட்டுள்ளது. 

அமெரிக்காவில் 9 இலட்சத்து 25 ஆயிரத்து 38 பேருக்கு வைரஸ் பரவியுள்ளது. குறிப்பாக நேற்று ஒரே நாளில் புதிதாக 38 ஆயிரத்து 764 பேருக்கு வைரஸ் தொற்று உறுதி செய்யப்பட்டுள்ளது. 

வைரஸ் பரவியவர்களில் இதுவரை ஒரு இலட்சத்து 10 ஆயிரத்து 432 பேர் சிகிச்சைக்கு பின் குணமடைந்து வீடுகளுக்குச் சென்றுள்ளனர். 

ஆனால், அங்கு வைரஸ் தாக்குதலுக்கு நேற்று ஒரே நாளில் ஆயிரத்து 951 பேர் பலியாகியுள்ளனர். இதனால் அமெரிக்காவில் கொரோனாவுக்கு  உயிரிழந்தோர் எண்ணிக்கை 52 ஆயிரத்து 185 ஆக அதிகரித்துள்ளது.