இங்கிலாந்தையும் விட்டுவைக்காத கொரோனா!! -20 ஆயிரத்தை நெருங்கும் பலி எண்ணிக்கை-

இங்கிலாந்து நாட்டில் கொரோனா வைரஸ் தெற்றால் நேற்று ஒரே நாளில் 768 பேர் பலியாகினர். இதனால் அங்கு கொரோனாவால் பலியானோர் எண்ணிக்கை 20 ஆயிரத்தை நெருங்கியுள்ளது.

இங்கிலாந்து நாட்டில் ஒரு இலட்சத்து 43 ஆயிரத்து 464 பேருக்கு வைரஸ் பரவியுள்ளது. குறிப்பாக நேற்று ஒரே நாளில் புதிதாக 5 ஆயிரத்து 386 பேருக்கு வைரஸ் தொற்று உறுதி செய்யப்பட்டுள்ளது.

மேலும், அந்நாட்டில் வைரஸ் தாக்குதலுக்கு நேற்று ஒரே நாளில் 768 பேர் பலியாகியுள்ளனர். இதனால் அந்நாட்டில் கொரோனாவுக்கு உயிரிழந்தோர் எண்ணிக்கை 19 ஆயிரத்து 506 ஆக அதிகரித்துள்ளது.

இங்கிலாந்தில் கொரோனாவுக்கு பலியானோர் எண்ணிக்கை 20 ஆயிரத்தை நெருங்கியுள்ளதால் அந்நாட்டு மக்கள் மிகுந்த அச்சமடைந்துள்ளனர்.