கொரோனாவுக்கு தடுப்பு மருந்து!! -10 மருந்துகளை கொண்டு அமெரிக்காவில் பரிசோதணை-

கொரோனா வைரஸ் தொற்றை தடுப்பதற்கு அல்லது அழிப்பதற்கு இனங்காணப்பட்ட 10 மருந்துக்களைக் கொண்டு தீவர பரிசோதணை நடவடிக்கை மேற்கொள்ளப்பட்டு வருவதாக அமெரிக்க ஜனாதிபதி டிரம்ப் தெரிவித்தார். 

வாஷிங்டனில் நிருபர்களிடம் கருத்து வெளியிடும் போதே அவர் மேற்படி தகவலை தெரிவித்துள்ளார். 

இவ்விடயம் தொடர்பில் அவர் மேலும் தெரிவிக்கையில்:- 

கொரோனா வைரசுக்கான 10 மருந்துகள் கண்டுபிடிக்கப்பட்டு, தற்போது மருத்துவ பரிசோதனையில் உள்ளன. வேகமாக பரவி வருகிற கொரோனா வைரஸ் நோய்க்கு சிகிச்சை அளிப்பதற்கு இதுவரை இல்லாதவகையில் முயற்சி எடுக்கப்படுகிறது.

இதில் அமெரிக்க தொழில் துறை உதவ முன்வந்து உள்ளது. அப்படியே டாக்டர்களும், விஞ்ஞானிகளும் இதில் உதவ முன்வந்து இருக்கிறார்கள். 

வரக்கூடிய நாட்கள் மிகச்சிறப்பானவையாக அமையும். நான் விரும்புவதை டாக்டர்கள், தொழில் நுட்ப வல்லுனர்கள் மற்றும் நிறுவனங்களைச் சேர்ந்தவர்கள் கொண்டு வருகின்றனர். இவ்வாறு அவர் கூறினார்.