ஒரு நாளில் 3000 பேர் பலி!! -கொரோனா உயிரிழப்பு 27 ஆயிரத்தை தாண்டியது-

உயிர் கொல்லி கொரோனா வைரசால் நோயால் பாதிக்கப்பட்டு உயிரிழந்தவர்களின் எண்ணிக்கை 27 ஆயிரத்தை தாண்டி உள்ளது.

இருப்பினும் குறித்த நோயால் பாதிக்கப்பட்ட ஒரு லட்சத்து 33 ஆயிரத்து 360 பேர் குணமடைந்து வைத்திய சாலைகளில் இருந்து வீடுகளுக்கு அனுப்பிவைக்கப்பட்டுள்ளனர். 

உலகின் 199 நாடுகளில் கொரோனா வைரஸ் பரவி மனித பேரழிவை ஏற்படுத்தி வருகிறது. தடுப்பு மருந்துகள் எதுவும் இதுவரை கண்டுபிடிக்கப்படாத நிலையில், இந்த வைரஸ் தாக்குதலின் வீரியம் நாளுக்கு நாள் அதிகரித்துக்கொண்டே செல்கிறது. 

இன்று காலை நிலவரப்படி, உலகம் முழுவதும் இதுவரை 5 லட்சத்து 97 ஆயிரத்து 185 பேருக்கு வைரஸ் பரவியுள்ளது. இவர்களில் இதுவரை 27 ஆயிரத்து 359 பேர் உயிரிழந்துள்ளனர். நேற்று மட்டும் சுமார் 3 பேர் பலியாகி உள்ளனர்.