சோமாலியாவில் விமான தாக்குதல்!! -அல்-ஷபாபின் மூத்த தளபதி சாவு-

சோமாலியாவில் நடத்தப்பட்ட விமான தாக்குதலில் அல்-ஷபாபின் மூத்த தளபதி பஷீர் மொஹமட் கோர்காப் உயிரிழந்துள்தாக தெரிவிக்கப்பட்டுள்ளது. 

கடந்த பெப்ரவரி 22ஆம் திகதி தெற்கு சோமாலிய நகரமான சாகோவில் சோமாலியா – அமெரிக்காவின் கூட்டு இராணுவ நடவடிக்கையில் பஷீர் மொஹமட் கோர்காப் கொல்லப்பட்டதாக தெரிவிக்கப்பட்டுள்ளது.

இந்த தாக்குதல் குறித்து அமெரிக்க தரப்பில் எவ்வி தகவலும் தெரிவிக்கப்படாத நிலையில், கோர்காபின் மரணத்தை அவரது குடும்பத்தினர் உறுதிப்படுத்தியுள்ளனர்.

எனினும், இந்த தாக்குதல் சம்பவம் குறித்த தகவல் வெளியாவதற்கு ஏற்பட்ட காலதாமதம் குறித்து எவ்வித விளக்கமும் அளிக்கப்படவில்லை.

இராணுவ தளங்கள் மீது தாக்குதல் நடத்தும் பணிகளை முன்னின்று செயற்படுத்தி வந்த இவர் கென்யாவிலும் தாக்குதல்களை நடத்தியுள்ளார்.

முக்கியமாக ஆபிரிக்க நாடுகளுக்கு பெரும் அச்சுறுத்தலாக இருந்த பஷீர் மொஹமட் கோர்காப் இருக்கும் இடம் குறித்த தகவலை வழங்கியவருக்கு கடந்த 2008ஆம் ஆண்டு 5 மில்லியன் டொலர் வெகுமதியை அமெரிக்கா வழங்கியது.