இந்தோனேசியாவில் ஆற்றுக்குள் பேருந்து கவிழ்ந்து விபத்து - 26 பேர் பலி!

இந்தோனேசியா நாட்டில் மலையில் இருந்து ஆற்றுக்குள் பேருந்து கவிழ்ந்து விபத்துக்குள்ளானதில் 26 பேர் பலியாகினர். தெற்கு சுமத்ரா மாகாணம் பெங்க்குலுவில் இருந்து பெலம்பாங்க் நோக்கி, 49 பேருடன் நேற்று இரவு பேருந்து ஒன்று சென்றது.

அங்குள்ள மலைப்பாதையில் பேருந்து சென்றபோது திடீரென கட்டுப்பாட்டை இழந்து அருகிலுள்ள ஆற்றுக்குள் கவிழ்ந்தது. இதில் 26 பேர் பலியானதுடன் 13 பேர் பலத்த காயமடைந்தனர். சம்பவம் குறித்த தகவலின்பேரில் அதிகாரிகள் விரைந்து வந்து மீட்புப் பணியில் ஈடுபட்டுள்ளனர்.