20 ஆயிரம் பட்டதாரிகளுக்கு காத்திருக்கும் இன்ப அதிர்ச்சி..!
இலங்கையில் உள்ள 20 ஆயிரம் வேலையற்ற பட்டதாரிகளுக்கு 2ம் கட்டமாக நியமனம் வழங்குவதற்கு அமைச்சரவை பத்திரம் இந்த வாரம் சமர்ப்பிக்கப்படவுள்ளது.
அமைச்சரவை அனுமதி கிடைத்ததும் ஏற்கனவே பதிவு செய்யப்பட்ட பட்டதாரிகளிலிருந்து நியமனம் வழங்கப்பட்டவர்கள் தவிர்ந்த ஏனைய 20 ஆயிரம் பேர் உள்வாங்கப்படவுள்ளனர்.
இவ்வாறு உள்வாங்கப்படும் பட்டதாரிகளில் தேசிய ரீதியில் 10 ஆயிரம் பேருக்கு ஆசிரியர் நியமனம் வழங்கப்படவுள்ளது. எஞ்சிய 10 ஆயிரம் பேருக்கும் அரச திணைக்களங்களில் காணப்படும் வெற்றிடங்களின் அடிப்படையில் நியமனம்
வழங்கப்படவுள்ளது. நியமனங்கள் ஜூன் மாதம் ஆரம்பத்தில் வழங்கப்படவுள்ளதாக மூத்த அதிகாரி தெரிவித்தார்.
