தமிழ்தேசிய கூட்டமைப்பை சந்திக்க மறுத்த ஜனாதிபதி, அவமானப்பட்டும் மீண்டும் சந்திக்கபோகிறது கூட்டமைப்பு.
ஜனாதிபதி மைத்திாிபால சிறிசேனாவை சந்திப்பதற்கு தமிழ்தேசிய கூட்டமைப்பு விடுத்திருந்த கோாிக்கையினை ஜனாதிபதி மறுத்துள்ளதுடன், சந்திப்புக்கான நேரத்தை ஒதுக்காமல் தட்டிக் கழித்துள்ளாா்.
வடக்கு, கிழக்கு அபிவிருத்தி தொடர்பாகவும், சமகால அரசியல் நிலவரம் தொடர்பாகவும் அரச தலைவரை இன்று (நேற்று) சந்திக்கத் திட்டமிட்டுள்ளோம் என்று கொழும்பு ஊடகம் ஒன்றுக்கு நேற்று நாடாளுமன்ற உறுப் பினர் எம்.ஏ.சுமந்திரன் தெரிவித்திருந்தார்.
ஆயினும் சந்திப்புக்கான நேரத்தை அரச தலைவர் ஒதுக்காத காரணத்தால் அந்தச் சந்திப்பு நடைபெறவில்லை என்று அறியமுடிந்தது.
இன்று மாலை 3 மணியளவில் வடக்கு, கிழக்கு மாகாண அபிவிருத்திக்கான சிறப்பு அரச தலைவர் செயலணிக் கூடு்டம் அரச தலைவர் மைத்திரிபால சிறிசேன தலைமையில் நடைபெறவுள்ளது. அந்தக் கூட்டத்தில் தமிழ்த் தேசியக் கூட்டமைப்பும் பங்கேற்கவுள்ளது.
அந்தக் கூட்டத்தின் பின்னர் அரச தலைவர் மைத்திரிபால சிறிசேனவைத் தனித்துச் சந்தித்துப் பேச்சு நடத்த தமிழ்த் தேசியக் கூட்டமைப்பினர் திட்டமிட்டுள்ளனர்.
அதேவேளை, வடக்கு, கிழக்கு அபிவிருத்தி தொடர்பாகத் தலைமை அமைச்சர் ரணில் விக்கிரமசிங்கவுக்கும், தமிழ்த் தேசியக் கூட்டமைப்புக்கும் இடையே நேற்றுமுன்தினம் நாடாளுமன்றக் கட்டடத் தொகுதியில் சந்திப்பு நடைபெற்றது.
அதில் வடக்கு, கிழக்கு மாகாணங்களில் போரால் பாதிக்கப்பட்ட மக்களின் வாழ்வாதாரத்தை முன்னேற்றும் வேலைத் திட்டங்களுக்காக 2 ஆயிரத்து 500 மில்லியன் ரூபாவைப் பயன்படுத்துவது தொடர்பில் ஆராயப்பட்டது என்று தமிழ்த் தேசியக் கூட்டமைப்பின் பேச்சாளர் எம்.ஏ.சுமந்திரன் தெரிவித்துள்ளார்.
