மன்னார், பூநகரி மின் திட்டங்களை 2025 ஜனவரிக்குள் நிறைவு செய்ய அதானி உறுதி!

மன்னார் மற்றும் பூநகரியில் 500 மெகாவாட் சூரியசக்தி மற்றும் காற்றாலை மின் திட்டம் 2025 ஜனவரிக்குள் நிறைவு செய்ய கௌதம் அதானி உறுதியளித்துள்ளதாக மின்சக்தி மற்றும் எரிசக்தி அமைச்சர் காஞ்சனா விஜேசேகர இன்று தெரிவித்துள்ளார்.     

இந்தியாவில் ஜனாதிபதி ரணில் விக்கிரமசிங்க தலைமையிலான குழுவுடனான சந்திப்பின் போது அதானி இந்த உறுதிமொழியை வழங்கியதாக அமைச்சர் தெரிவித்தார்.

இந்த விஜயத்தின் புதுப்பிக்கத்தக்க எரிசக்தி ஒத்துழைப்பு மற்றும் திருகோணமலை எரிசக்தி மையம் அபிவிருத்தி தொடர்பான புரிந்துணர்வு ஒப்பந்தங்கள் செய்துள்ளதாகவும், CEB மற்றும் NTPC இந்தியாவின் கூட்டு முயற்சிக்காக சம்பூர் சூரியசக்தி பூங்காவிற்கு அனுமதி வழங்கப்பட்டுள்ளதாகவும் அவர் ட்வீட்டரில் தெரிவித்துள்ளார்.