மண்டை ஓடு கேட்ட ஆசிரியர், மயானத்தில் புதைக்கப்பட்டிருந்த 105 வயது மூதாட்டியின் சடலத்தை தோண்டி மண்டை ஓட்டை எடுத்த 3 பேர் கைது...

மண்டை ஓடு ஒன்றை எடுத்து தருமாறு ஆசிரியர் ஒருவர் கேட்டதற்கிணக்க மயானத்தில் புதைக்கப்பட்டிருந்த 105 வயது மூதாட்டின் புதை குழியை தோண்டி மண்டை ஓட்டை எடுத்ததுடன் அதனை புகைப்படம் எடுத்து சமூக வலைத்தளங்களில் பதிவிட்ட 3 பேர் கைது செய்யப்பட்டிருக்கின்றனர். 

குறித்த சம்பவம் உதாகம பொது மயானத்தில் இடம்பெற்றுள்ளது. சம்பவத்தில் 18, 19 மற்றும் 20 வயதுடைய மூன்று இளைஞர்களே கைது செய்யப்பட்டுள்ளனர். கைது செய்யப்பட்ட சந்தேக நபர்கள் உதாகம மற்றும் மஹவ பிரதேசத்தை சேர்ந்தவர்கள்.

மெனிக்கின்ன பிரதேசத்தில் நபரொருவரின் தேவைக்காக ஆசிரியர் ஒருவர் தலையைக் கேட்டதாகவும் அதன் பிரகாரம் தலையை தோண்டி எடுத்ததாகவும் சந்தேகநபர்கள் பொலிஸாரிடம் தெரிவித்துள்ளனர்.

105 வயது மூதாட்டியின் தலையே இவ்வாறு எடுக்கப்பட்டிருந்தது. சந்தேக நபர்கள் புதைகுழியிலிருந்து மீட்கப்பட்ட தலையுடன் புகைப்படம் எடுத்து அந்த புகைப்படங்களை சமூக வலைதளங்களில் பகிர்ந்துள்ளதோடு, 

அந்த புகைப்படங்களின் அடிப்படையில் குடியிருப்பாளர்களிடமிருந்து கிடைத்த தகவலின் அடிப்படையில், இறந்த பெண்ணின் உறவினர்கள் பொலிஸில் முறைப்பாடு செய்து சந்தேக நபர்களை விசாரித்த பின்னர், 

அவர்கள் கைது செய்யப்பட்டதாக பொலிஸார் தெரிவித்தனர்.