பல்கலைகழக மாணவர்களுக்கிடையில் நடந்த கரப்பந்தாட்டப் போட்டியில் கோஷ்டி மோதல்! 4 மாணவிகள் உட்பட 7 பேர் காயம்..

பல்கலைகழக மாணவர்களுக்கிடையிலான கரப்பந்தாட்டப் போட்டியில் ஏற்பட்டிருந்த கோஷ்டி மோதலில் 7 மாணவ, மாணவியர்கள் காயமடைந்துள்ளனர். 

குறித்த சம்பவம் நேற்றுமுன்தினம் இடம்பெற்றுள்ளது. சம்பவம் தொடர்பில் மேலும் தொியவருவதாவது, 

சப்ரகமுவ பல்கலைக்கழகத்தின் முகாமைத்துவ பீடம் மற்றும் வர்த்தக பீடம் என்பவற்றுக்கிடையில் கரப்பந்தாட்ட போட்டி நடத்தப்பட்டதன் பின்னர், 

இரு தரப்பினருக்கும் இடையில் கைகலப்பு ஏற்பட்டுள்ளது. போட்டியில் தமது தோல்வியை ஏற்றுக்கொள்ளாத ஒரு பிரிவினரால் இந்த மோதல் ஏற்பட்டுள்ளதாக தெரியவருகிறது. 

இதில் மூன்று மாணவர்களும் நான்கு மாணவிகளும் காயடைந்த நிலையில் மருத்துவமனையில் சிகிச்சை பெற்று வருவதாக தெரிவிக்கப்படுகிறது. 

இப்போட்டி பல்கலைக்கழக நிர்வாகத்தால் ஏற்பாடு செய்யப்பட்டுள்ளமை குறிப்பிடத்தக்கது.