நிறுத்தப்பட்டிருந்த பேருந்துகளில் இருந்து சுமார் 395 லீற்றர் டீசல் திருட்டு! இரு திருடர்கள் சிக்கினர்..

நிறுத்தப்பட்டிருந்த இரு பேருந்துகளில் இருந்து சுமார் 395 லீற்றர் டீசலை திருடிய குற்றச்சாட்டில் 2 பேர் கைது செய்யப்பட்டுள்ளனர். 

இங்கிரிய - நம்பபான பகுதியில் இரவு நேரங்களில் நிறுத்தப்பட்டிருந்த பேருந்துகளில் இந்த திருட்டு இடம்பெற்றுள்ளது. 

இந்தச் சந்தேக நபர்கள் 35 மற்றும் 39 வயதுடையவர்கள் என பொலிஸார் தெரிவித்தனர். 

சிசிரிவி கெமராக்கள் ஊடாக மேற்கொள்ளப்பட்ட விசாரணைகளில் சந்தேக நபர்கள் கைது செய்யப்பட்டுள்ளனர். 

 இவர்களிடமிருந்த சிறிய ரக லொறி ஒன்றும் பொலிஸாரால் கைப்பற்றப்பட்டுள்ளது.

திருடப்பட்ட டீசலை விற்பனை செய்து பணம் சம்பாதித்துள்ளதாக விசாரணைகளில் தெரியவந்துள்ளது.