ஆயுள்வேத சிகிச்சை நிலையத்திற்குள் விபச்சாரம், பொலிஸ் முற்றுகையில் 7 பெண்கள் கைது..!

கொழும்பு - கல்கிசை பொலிஸ் பிரிவில் இடம்பெற்ற விசேட சுற்றிவளைப்பு தேடுதலில் ஆயுள்வேத சிகிச்சை நிலையம் என்ற பெயரில் இயங்கிவந்த விபச்சார விடுதி முற்றுகையிடப்பட்டு அங்கிருந்த பெண்கள் 7 பேர் கைது செய்யப்பட்டுள்ளனர். 

இது குறித்து பொலிஸ் ஊடக பிரிவு மேலும் குறிப்பிட்டுள்ளதாவது, பொலிஸாருக்கு கிடைக்கப்பெற்ற இரகசிய தகவலுக்கு அமைவாக கல்கிஸை, இரத்மலானை பிரதேசத்தில் இந்த சுற்றிவளைப்பு மேற்கொள்ளப்பட்டுள்ளது. 

இதன்போது விபசார விடுதியின் முகாமையாளர் உட்பட 7 பேர் இவ்வாறு கைது செய்யப்பட்டுள்ளனர். கைது செய்யப்பட்டவர்கள் 23 முதல் 39 வயதுடையவர்கள் என்றும் அவர்கள் தொரஹென, பாணந்துறை, திகன, வாதுவை, மத்துகம, கெக்கிராவை 

மற்றும் நுகேகொடை பிரதேசங்களை சேர்ந்தவர்கள் என்றும் பொலிஸார் தெரிவித்துள்ளனர். சந்தேகநபர்கள் கல்கிஸை நீதவான் நீதிமன்றில் ஆஜர்ப்படுத்தப்பட்டுள்ளனர். 

கல்கிஸ்ஸ பொலிஸார் மேலதிக விசாரணைகளை முன்னெடுத்துள்ளனர்.