போதைப் பொருளுடன் வெளிநாட்டு பிரஜைகள் 4 பேர் கைது!

போதைப் பொருட்களை உடமையில் வைத்திருந்த குற்றச்சாட்டில் வெளிநாட்டு பிரஜைகள் 4 பேர் கைது செய்யப்பட்டுள்ளனர். 

சந்தேக நபர்கள் நேற்று (03) நண்பகல் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

ஹபராதுவ, ஹிட்டியனகல தல்பே மற்றும் பிடிதுவ பிரதேசங்களில் ஹபராதுவ பொலிஸாரால் மேற்கொள்ளப்பட்ட விசேட சுற்றிவளைப்பில் 

மேற்படி சந்தேகநபர்கள் நால்வரும் ஹுஸ் ரக போதைப் பொருளுடன் கைது செய்யப்பட்டுள்ளனர்.

சந்தேக நபர்களிடமிருந்து 16 கிலோ 338 கிராம் ஹுஸ் போதைப்பொருளும் மீட்கப்பட்டுள்ளன.

கைது செய்யப்பட்டவர்கள் 21 முதல் 46 வயதுக்கு இடைப்பட்டவர்கள் என்று பொலிஸார் தெரிவித்துள்ளனர்.

சந்தேகநபர்கள் காலி நீதவான் நீதிமன்றில் ஆஜர்ப்படுத்தப்பட்டுள்ளனர். ஹபராதுவ பொலிஸார் மேலதிக விசாரணைகளை முன்னெடுத்துள்ளனர்.