யாழ்.மல்லாகம் பகுதியில் வீடு புகுந்து கொள்ளையில் ஈடுபட்ட கும்பலை சேர்ந்த ஒருவரை மடக்கிய பொலிஸ், 10 லட்சத்திற்கும் மேல் பெறுமதியான நகைகள் மீட்பு..

யாழ்.மல்லாகம் பகுதியில் உள்ள வீடொன்றுக்குள் நுழைந்து கொள்ளையில் ஈடுபட்டிருத்த கும்பலை சேர்ந்த ஒருவர் கைது செய்யப்பட்டுள்ளதுடன் 10 லட்சம் ரூபாய்க்கு மேல் பெறுமதியான நகைகள் மீட்க்கப்பட்டுள்ளது.

இது குறித்து மேலும் தெரியவருவதாவது,

நேற்றைய தினம்(19) மல்லாகம் பகுதியில் உள்ள வீடொன்றில் பத்து இலட்சத்து ஐம்பதாயிரம் ரூபாய் பெறுமதியான நகைகள் திருடப்பட்டதாக தெல்லிப்பழை பொலிஸ் நிலையத்தில் முறைப்பாடு பதிவு செய்யப்பட்டது.

இந்நிலையில் பொலிஸ் பரிசோதகர் கலாவினோதன் தலைமையிலான தெல்லிப்பழை குற்றத்தடுப்பு பொலிஸார் இன்றைய தினம் சந்தேக நபரையும் திருடப்பட்ட நகைகளையும் மீட்டனர்.

சந்தேக நபரையும் மீட்கப்பட்ட நகைகளையும் நாளைய தினம்(20) மல்லாகம் நீதிமன்றில் முற்படுத்த நடவடிக்கை எடுக்கப்பட்டுள்ளது.-