பெண் பொலிஸ் கான்ஸ்டபிள் குளிப்பதை வீடியோ பதிவு செய்த ஆண் பொலிஸ் கான்ஸ்டபிள் கைது!

சக பெண் பொலிஸ் உத்தியோகஸ்த்தர் குளித்துக் கொண்டிருந்ததை வீடியோ பதிவு செய்த குற்றச்சாட்டில் பொலிஸ் கான்ஸ்டபிள் ஒருவர் கைது செய்யப்பட்டுள்ளார். 

கல்கிஸை பிரதேசத்தில் உள்ள பொலிஸ் நிலையமொன்றில் கடமையாற்றும் கான்ஸ்டபிள் ஒருவரே இவ்வாறு கைது செய்யப்பட்டுள்ளார். 

கடந்த புதன்கிழமை காலை பெண் கான்ஸ்டபிள் குடியிருப்பின் கழிவறைக்குள் இருந்தபோது குறித்த கான்ஸ்டபிள், 

பெண் கான்ஸ்டபிள் குளிக்கும் வீடியோவை பதிவு செய்து கொண்டிருந்ததாக பொலிஸார் தெரிவித்தனர்.

பெண் கான்ஸ்டபிள் தன்னை வீடியோ எடுக்கப்படுவதை உணர்ந்து, பின்னர் இது குறித்து தனது மூத்த அதிகாரிகளிடம் புகார் அளித்தார்.

இதன்படி, சந்தேகநபரான கான்ஸ்டபிள் கைது செய்யப்பட்டதோடு, குறித்த பெண் கான்ஸ்டபிள் குளிப்பது போன்ற பல காணொளிகள் 

அவரது தொலைபேசியில் இருந்து மீட்கப்பட்டுள்ளன. பாலியல் துன்புறுத்தல் குற்றச்சாட்டின் பேரில் சந்தேகநபர் கைது செய்யப்பட்டுள்ளதுடன், 

அவர் தனது கடமைகளில் இருந்து இடைநிறுத்தப்பட்டுள்ளார்.