நிறுத்தப்பட்டிருந்த இ.போ.ச பேருந்தை முந்திச் செல்ல முயற்சித்த மற்றொரு இ.போ.ச பேருந்துடன் மோதிய தனியார் பேருந்து, 4 பேர் காயம், சாரதி கைது...

இ.போ.ச மற்றும் தனியார் பஸ்கள் 3 மோதி விபத்துக்குள்ளானதில் 4 பேர் காயமடைந்துள்ளதுடன், இ.போ.ச பஸ் சாரதி கைது செய்யப்பட்டுள்ளார். 

காயமடைந்தவர்கள் சிகிச்சைகளுக்காக கினிகத்தேன பிரதேச வைத்தியசாலையில் சேர்க்கப்பட்டுள்ளனர்.

கினிகத்தேன, பெரகஹமுல பகுதியில் வைத்து நேற்று பிற்பகல் 2 மணியளவில் இவ்விபத்து இடம்பெற்றுள்ளது. 

கண்டியிலிருந்து ஹட்டன் நோக்கி வந்த பயணித்த இ.போ.ச. பஸ், பயணிகள் இறங்குவதற்காக பெரகஹமுல பகுதியில் நிறுத்தப்பட்டுள்ளது.

அவ்வேளையில் கொழும்பிலிருந்து அட்டன் நோக்கி பயணித்த மற்றுமொரு இ.போ.ச. பஸ், நிறுத்திவைக்கப்பட்டிருந்த பஸ்ஸை, முந்திக்கொண்டு செல்ல முற்பட்டுள்ளது. 

இதன்போதே எதிர் திசையில் அட்டனில் இருந்து கொழும்பு நோக்கி பயணித்த தனியார் பஸ்ஸில் மோதுண்டுள்ளது.