வீதியில் பயணித்துக் கொண்டிருந்தபோது தகராறு! ஒரு பிள்ளையின் தந்தை அடித்துக் கொலை, 3 சிறுவர்கள் கைது...

வீதியில் பயணித்துக் கொண்டிருந்தபோது உருவான வாய்த்தர்க்கத்தை தொடர்ந்து தலைக்கவசத்தால் தாக்கப்பட்ட ஒரு பிள்ளையின் தந்தையான இளம் குடும்பஸ்த்தர் உயிரிழந்த நிலையில் 3 சிறுவர்கள் கைது செய்யப்பட்டுள்ளனர். 

இச்சம்பவம் நேற்று இரவு (14) இடம்பெற்றுள்ளது.வெலிப்பன்ன, கல்மட்ட பிரதேசத்தில் வசிக்கும் 34 வயதுடைய ஒரு பிள்ளையின் தந்தையான ரங்கவிராஜ் என்பவரே இவ்வாறு உயிரிழந்துள்ளதாக பொலிஸார் தெரிவித்தனர். 

வெலிப்பன்ன கல்மட்ட பிரதேசத்தில் வீதியொன்றில் பயணித்த 16 வயதுடைய இளைஞர்கள் சிலருடன் ஏற்பட்ட வாக்குவாதம் வலுத்த நிலையில் தலைக்கவசத்தால் தாக்கப்பட்டதாக கூறப்படுகிறது.

கொலைச் சம்பவம் தொடர்பில் சந்தேகத்தின் பேரில் 3 சிறுவர்கள் கைது செய்யப்பட்டுள்ளதாகவும் சந்தேகநபர்கள் பயணித்த இரண்டு மோட்டார் சைக்கிள்களும் பொலிஸாரால் கைப்பற்றப்பட்டுள்ளதாக தெரிவிக்கப்படுகிறது.