காட்டு பகுதியில் ஆண் ஒருவரின் எலும்பு எச்சங்கள் மீட்பு!
வவுனியா - ஈரப்பொியகுளம் காட்டுப் பகுதியில் ஆண் ஒருவரின் எலும்பு எச்சங்கள் கண்டுபிடிக்கப்பட்டுள்ளது.
ஈரற்பெரியகுளம் புதிய நகர் பகுதியின் காட்டுப்பகுதியிலே இவ் மனித எச்சங்கள் கண்டுபிடிக்கப்பட்டுள்ளன.
கடந்த ஒன்பது மாதங்களுக்கு முன் அதே பகுதியில் வசித்து வந்து காணாமல் போன ஒருவரின் சடலம் என பொலிஸார் தெரிவித்தனர்.
அதே பகுதியில் வசித்து வந்த 43 வயதுடைய இரண்டு பிள்ளைகளின் தந்தையான ஜிந்தக்க ராஜபக்ஷ என்பவர் கடந்த 9 மாதங்களுக்கு முன் காணாமல் போயுள்ளார்.
இந்நிலையில் இவ் மனித எச்சங்கள் கிடைக்கப்பெற்றுள்ள நிலையில் இது காணாமல் போனவரின் உடல் அங்கங்களாக இருக்கலாம் என பொலிஸார் சந்தேகிக்கின்றனர்.
இது தொடர்பான விசாரணைகளை வவுனியா ஈரற்பெரியகுளம் பொலிஸார் மேற்கொண்டு வருகின்றனர்.