பொலிஸ் சீருடையுடன் காரில் பயணத்த 4 பேர் சிக்கினர்! பாரிய குற்றச் செயல்களுடன் தொடர்புபட்டிருக்கலாம் என பொலிஸார் சந்தேகம்...

பொலிஸ் சீருடையுடன் காரில் பயணித்த 4 பேர் பொலிஸாரினால் கைது செய்யப்பட்டுள்ளதுடன், அவர்கள் குற்றச் செயல்களுடன் தொடர்புபட்டிருக்கலாம். என பொலிஸார் சந்தேகத்தின் அடிப்படையில் விசாரணைகளை முன்னெடுத்துள்ளனர். 

குறித்த சம்பவம் நிட்டம்புவ - மாஇம்புல பகுதியில் இடம்பெற்றுள்ளது. குறித்த பகுதியில் குற்றத்தடுப்பு கடமையில் ஈடுபட்டிருந்த நிட்டம்புவ பொலிஸ் நிலைய அதிகாரிகள் சந்தேகத்திற்கிடமான கார் ஒன்றை சோதனையிட்டுள்ளனர்.

இதன்போது காருக்குள் போலிஸ் சீருடை அணிந்த 4 பேர் இருந்துள்ளனர்.அவர்கள் பொலிஸ் உத்தியோகத்தர்கள் அல்ல என்பதை உணர்ந்த பின்னர், காரும் நான்கு சந்தேக நபர்களும் கைது செய்யப்பட்டுள்ளனர்.

சந்தேகநபர்களிடம் இருந்து இரண்டு கைவிலங்குகள் மற்றும் 3 போலி இலக்கத் தகடுகள் பொலிஸாரால் கைப்பற்றப்பட்டுள்ளன. கைது செய்யப்பட்ட சந்தேகநபர்கள் 25, 26, 27 மற்றும் 42 வயதுடைய நிட்டம்புவ, முல்லேரிய, கிந்தோட்டை 

மற்றும் எல்லக்கல பிரதேசங்களைச் சேர்ந்தவர்கள் என தெரிவிக்கப்படுகிறது..சந்தேக நபர்கள் இன்று (09) அத்தனகல்ல நீதவான் நீதிமன்றில் ஆஜர்படுத்தப்படவுள்ளனர். 

சந்தேகநபர்கள் ஏதேனும் குற்றச்செயல்களுக்காக பயணித்தார்களா என்பது தொடர்பில் தற்போது விசாரணைகள் முன்னெடுக்கப்பட்டு வருகின்றன.