பூ பறிப்பதற்காக வீதியை கடந்த பெண் விபத்தில் பலி!

பூ பறிப்பதற்காக வீதியை கடக்க முயற்சித்த வயதான பெண்மணி மீது சொகுசு பஸ் மோதியதில் குறித்த பெண் உயிரிந்துள்ளார். 

நேற்று அதிகாலை பிரியந்தலை - மிரிஸ்வத்த பகுதியில் இடம்பெற்ற குறித்த விபத்தில் 72 வயதான பெண்மணி உயிரிழந்துள்ளார். 

பூ பறிப்பதற்காக வீட்டிலிருந்த வீதியைக் கடந்துச் சென்று மீண்டும் அதே வீதியைக் கடந்து வீடு திரும்ப முயற்சிக்கும் போது, 

பிலியந்தலையில் இருந்து கெஸ்பேவ நோக்கி பயணித்த சர்வதேச பாடசாலைக்கு சொந்தமான சொகுசு பஸ்ஸில் மோதி குறித்த பெண் உயிரிழந்துள்ளார்.

பஸ் சாரதி கவனக்குறைவாக பஸ்ஸினை செலுத்தியதே விபத்துக்கு காரணம் என பொலிஸ் விசாரணையில் தெரியவந்துள்ளது.

இந்நிலையில், பஸ் சாரதி கைது செய்யப்பட்டுள்ள நிலையில், சாரதி கெஸ்பேவ நீதவான் நீதிமன்றில் ஆஜர்படுத்தப்படவுள்ளார்.

குறித்த விபத்து சிசிடிவி கமெராவில் பதிவாகியுள்ள நிலையில், பிலியந்தலை பொலிஸார் விசாரணைகளை மேற்கொண்டு வருகின்றனர்.