சுற்றுலா சென்ற இடத்தில் நடந்த பயங்கரம்! தந்தையும் இரு குழந்தைகளும் பலி..

சுற்றுலா சென்ற இடத்தில் தந்தையும், இரு குழந்தைகளும் நீரில்மூழ்கி உயிரிழந்த சம்பவம் சிலாபம் - முகத்துவாரம் பகுதியில் இடம்பெற்றுள்ளது. 

7 வயது மகள், 6 வயது மகன் மற்றும் 35 வயதுடைய தந்தை ஆகியோரே இவ்வாறு உயிரிழந்துள்ளனர்.

நீர்கொழும்பு பிரதேசத்தில் வசிக்கும் இவர்களது சடலங்கள் கண்டு பிடிக்கப்பட்டுள்ளதாக பொலிஸார் தெரிவிக்கின்றனர்.

சிலாபம் முகத்துவாரத்திற்கு படகில் சென்ற இவர்கள் படகில் இருந்து இறங்கி அங்கு நீராடச் சென்றுள்ள நிலையில் நீரில் மூழ்கியுள்ளதாக தெரிவிக்கப்படுகிறது.