நடிக்க வாய்ப்பு தருவதாக கூறி இளம்பெண்ணுக்கு பாலியல் தொல்லை!! -சினிமா தயாரிப்பாளர் கைது-

கேரள மாநிலம் எர்ணாகுளத்தை சேர்ந்த மார்ட்டின் செபாஸ்டின் என்பவர் சினிமா தயாரிப்பாளராக உள்ளார்.

அவர் மலையாள திரையுலகில் பல படங்களை தயாரித்து உள்ள நிலையில் அவர் மீது திருச்சூரை சேர்ந்த இளம்பெண் ஒருவர் பொலிஸ் நிலையத்தில் முறைப்பாடு கொடுத்தார். அந்த முறைப்பாடில் மார்ட்டின் செபாஸ்டின் மீது பரபரப்பு குற்றச்சாட்டுக்களை கூறியிருந்தார். 

மார்ட்டின் செபாஸ்டின் சினிமாவில் வாய்ப்பு தருவதாக கூறி தனக்கு பாலியல் தொல்லை கொடுத்தார் எனவும் குற்றம்சாட்டியிருந்தார். 2000 ஆம் ஆண்டு இந்த சம்பவங்கள் நடந்ததாகவும் கூறி இருந்தார். மேலும் சினிமாவில் வாய்ப்பு தருவதாக கூறி மும்பை, பெங்களூரு போன்ற நகரங்களுக்கு அழைத்து சென்று தன்னை கற்பழித்ததாகவும் முறைப்பாடு கூறியிருந்தார். 

இந்த முறைப்பாடு குறித்து பொலிஸார் கடந்த ஆண்டு டிசம்பர் மாதம் மார்ட்டின் செபாஸ்டின் மீது வழக்கு பதிவு செய்து விசாரணை நடத்தினர். இந்த குற்றச்சாட்டுகளை மார்ட்டின் செபாஸ்டின் மறுத்தார். 

மேலும் இந்த வழக்கில் பொலிஸார் தன்னை கைது செய்யாமல் இருக்க கேரள மேல் நீதிமன்றத்தில் முன் பிணை கோரி மனு தாக்கல் செய்தார். மனுவை விசாரித்த நீதிமன்றம், எர்ணாகுளம் பொலிஸார் முன்பு விசாரணைக்கு ஆஜராக வேண்டும் என்ற நிபந்தனையுடன் பிணை வழங்கியது. 

இதையடுத்து பொலிஸார் மார்ட்டின் செபாஸ்டினிடம் விசாரணை நடத்தினர். 72 மணி நேரம் அவரிடம் விசாரணை நடத்தப்பட்டது. விசாரணைக்கு பின்னர் பொலிஸார் அவரை கைது செய்தனர். 

பாலியல் முறைப்பாட்டில் சினிமா தாயரிப்பாளர் மார்ட்டின் செபாஸ்டின் கைது செய்யப்பட்டது மலையாள திரையுலகில் பெரும் பரபரப்பை ஏற்படுத்தி உள்ளது.