பலாத்கார சம்பவத்துடன் தொடர்புடைய சந்தேகநபரை காப்பாற்றுவதற்கு 3 லட்சம் ரூபாய் லஞ்சம் வாங்கிய பொலிஸ் சார்ஜன்ட் கையும் களவுமாக சிக்கினார்...

பலாத்கார சம்பவம் ஒன்றுடன் தொடர்புடைய நபருக்கு எதிராக பிடியாணை பிறப்பிக்காமல் தடுப்பதற்காகவும், பிரச்சினையை தீர்ப்பதற்காகவும் சுமார் 3 லட்சம் ரூபாய் பணத்தை இலஞ்சமாக பெற்ற பொலிஸ் சார்ஜன்ட் ஒருவர் லஞ்சம் மற்றும் ஊழல் தடுப்பு பிரிவினால் நேற்று பிற்பகல் கைது செய்யப்பட்டுள்ளார். 

குறித்த சார்ஜன்ட், மதவாச்சி பகுதியைச் சேர்ந்த முறைப்பாட்டாளரின் வீட்டிற்கு சென்று பணத்தைப் பெற்றுக் கொள்ளச் சென்றபோதே இலஞ்ச ஒழிப்பு அதிகாரிகளால் கைது செய்யப்பட்டுள்ளார். முறைப்பாட்டாளருக்கு எதிரான பலாத்கார வழக்கு தொடர்பான மற்ற தரப்பினரை தீர்த்து வைப்பதற்காகவும், 

மேலும் பல வழக்குகளுக்கு பிடியாணையை நிறைவேற்றாமல் இருக்கவும் இந்த சார்ஜென்ட் சந்தேகநபரிடம் இந்த மூன்றரை இலட்சத்தை லஞ்சமாக கேட்டதாக அதிகாரிகள் கூறுகின்றனர். சந்தேகநபர் இன்று (31) மதவாச்சி நீதவான் நீதிமன்றில் முன்னிலைப்படுத்தப்படவுள்ளமை குறிப்பிடத்தக்கது.