கொரியாவில் வேலை பார்ப்பவர் வாங்கிய வீட்டில் ஆயுதங்கள், துப்பாக்கி ரவைகள் மீட்பு..!

கொரியாவில் பணியாற்றும் ஒருவர் புதிதாக வாங்கிய வீட்டில் மறைத்துவைக்கப்பட்டிருந்த பெருமளவு துப்பாக்கி ரவைகள், மற்றும் துப்பாக்ககள், கைவிலங்கு உள்ளிட்ட பல பொருட்கள் மீட்கப்பட்டுள்ளது. 

குறித்த சம்பவம் அக்மீமன - ஹியர் பகுதியில் உள்ள வீடொன்றில் இடம்பெற்றுள்ளது. பொலிஸ் விசேட அதிரடிப்படையினருக்கு கிடைத்த இரகசிய தகவலையடுத்து குறித்த பொருட்கள் மீட்க்கப்பட்டிருக்கின்றது. 

கிடைக்கப்பெற்ற தகவலின் அடிப்படையில் குறித்த வீட்டில் தோண்டி மூடப்பட்ட அடையாளம் காணப்பட்ட இடங்களை தோண்டியபோதே உறை ஒன்றில் இடப்பட்டிருந்த நிலையில் இவை கைப்பற்றப்பட்டன. 

குறித்த வீட்டின் உரிமையாளர் கொரியாவில் பணிபுரிந்து வருவதோடு, இந்த இடம் அவரால் புதிதாக வாங்கப்பட்டுள்ளமையும் விசாரணையில் தெரிய வந்துள்ளதுமேலதிக விசாரணைகளுக்காக 

அனைத்துப் பொருட்களும் அக்மீமன பொலிஸாரிடம் ஒப்படைக்கப்பட்டுள்ளன.