பிரான்ஸ் ரூபனுடன் தொடர்புடைய பெண் ஆயுதங்கள் மற்றும் போதைப் பொருளுடன் விசேட அதிரடிப்படை சுற்றிவளைப்பில் சிக்கினார்..

பிரான்ஸிலுள்ள போதைப் பொருள் வியாபாரியுடன் நெருங்கிய தொடர்பை பேணிய பெண் ஒருவர் பொலிஸ் அதிரடிப்படை சுற்றிவளைப்பில் போதைப் பொருள் மற்றும் கூரிய ஆயுதத்துடன் கைது செய்யப்பட்டுள்ளார். 

"டிஸ்கோ" என அழைக்கப்படும் தர்மகீர்த்தி உதேனி இனுக பெரேரா என்ற பெண்ணே பொலிஸ் விசேட அதிரடிப்படையினரால் கைது செய்யப்பட்டுள்ளார்.கடுவெல பிரதேசத்தில் வசிக்கும் 42 வயதுடைய அவரிடம் இருந்து

4 கூரிய ஆயுதங்கள் மற்றும் 14 கிராம் ஹெரோயின் போதைப்பொருள் கைப்பற்றப்பட்டுள்ளது. சந்தேகநபர் தற்போது பிரான்சில் வசிக்கும் பாரிய போதைப்பொருள் கடத்தல் 

மற்றும் ஒழுங்கமைக்கப்பட்ட குற்றவாளியான "ரூபன்" என்ற ஒழுங்கமைக்கப்பட்ட குற்றவாளியுடன் நேரடி தொடர்பில் இருப்பதும் இந்த நாட்டில் போதைப்பொருள் கடத்தல் மற்றும் ஒழுங்கமைக்கப்பட்ட குற்றங்களுக்கு உதவுவதும் தெரியவந்துள்ளது.

விசேட அதிரடிப்படையின் புலனாய்வுப் பிரிவின் அதிகாரிகளுக்கு கிடைத்த தகவலின் பிரகாரம், குறித்த பெண் நேற்று (29) கொழும்பு 15, டெம்பிள் வீதி, மோதரையில் உள்ள வீடொன்றுக்கு முன்பாக கைது செய்யப்பட்டுள்ளார்.