பணத்திற்காக 15 வயது சிறுமியை விபச்சாரத்தில் ஈடுபடுத்திய பெண் தொழிலதிபர் தப்பி ஓட்டம், தாய் உட்பட 4 பேர் கைது... !

பணத்திற்காக 15 வயதான சிறுமியை வர்த்தகர்கள் மற்றும் செல்வந்தர்களிடம் விபச்சாரத்தில் ஈடுபடுத்திய பெண் தொழிலதிபர் தப்பி ஓடி தலைமறைவாகியுள்ள நிலையில், சம்பவத்துடன் தொடர்புடைய சிறுமியின் தாய் மற்றும் 84 வயதான ஒருவர் உட்பட 4 பேர் கைது செய்யப்பட்டுள்ளதாக பொலிஸார் தெரிவித்தனர்.

பாணந்துறை - கெசல்வத்த மற்றும் கோரக்கன பிரதேசங்களைச் சேர்ந்தவர்களே இவ்வாறு கைது செய்யப்பட்டுள்ளனர். பணம் கொடுத்து சிறுமியை அழைத்துச் சென்ற மற்ற நபர்களை கண்டுபிடிக்க பொலிஸார் விசாரணை நடத்தி வருகின்றனர்.

சிறுமி ஒருவரை பணத்திற்காக வயதானவர்களுக்கு விற்பனை செய்வதாக கிடைத்த தகவலின் பேரில் பொலிஸ் குழுவினர் சிறுமியை மீட்டு வைத்தியசாலையில் அனுமதித்துள்ளனர்.

பொலிஸ் விசாரணையில் அப்பகுதியைச் சேர்ந்த தொழிலதிபர் ஒருவர் சிறுமியின் தாயை ஏமாற்றி பணம் கொடுத்து சிறுமியை விபச்சாரத்தில் ஈடுபடுத்தியுள்ளமை தெரியவந்துள்ளது.

சந்தேகத்திற்கிடமான தொழிலதிபரான பெண் பிரதேசத்தில் தப்பிச் சென்றுள்ளதாகவும் அவரைக் கண்டுபிடிக்க விசாரணைகள் மேற்கொள்ளப்பட்டு வருவதாகவும் பொலிஸார் தெரிவிக்கின்றனர்.

சம்பவம் தொடர்பில் 42, 45, 54 மற்றும் 84 வயதுடைய சந்தேகநபர்களே கைது செய்யப்பட்டுள்ளனர்.