வர்த்தக நிலையத்திற்குள் புகுந்து ஊழியரின் கழுத்தை அறுத்துவிட்டு காற்று தூப்பாக்கியை பறித்துச் சென்ற கொள்ளையன்! ஊழியர் படுகாயம்...

விளையாட்டுப் பொருட்கள் விற்பனை நிலையத்திற்குள் புகுந்து ஊழியரின் கழுத்தை வெட்டிய கொள்ளையன் காற்று துப்பாக்கி ஒன்றை திருடிச் சென்ற சம்பவம் கொழும்பு பம்பலப்பிட்டியில் இடம்பெற்றிருக்கின்றது. 

சம்பவத்தில் காயமடைந்த பணியாளர் கொள்ளுப்பிட்டி பிரதேசத்தில் உள்ள தனியார் வைத்தியசாலையில் அனுமதிக்கப்பட்டு சிகிச்சை பெற்று வருவதாக பொலிஸ் அதிகாரி ஒருவர் கூறியுள்ளார்.

இந்த வர்த்தக நிலையத்துக்குச் சென்ற ஒரு நபர் தனக்கு ஏர் பிஸ்டல் வேண்டும் என ஊழியரிடம் கூறியுள்ளார். இதனை எடுப்பதற்காக வர்த்தக நிலையத்தின் இரண்டாவது மாடிக்கு குறித்த ஊழியர் சென்றிருந்தபோது 

அந்த நபர் திடீரென ஊழியரின் கழுத்தை கூரிய ஆயுதத்தால் அறுத்து விட்டு அவரது கையிலிருந்த ஏர் பிஸ்டலை பறித்துக் கொண்டு தப்பிச் சென்றுள்ளதாகவும் அந்த பொலிஸ் அதிகாரி தெரிவித்துள்ளார்.