போலியான லெத்தர் சீட்டுக்கள் விற்பனை, மக்களே உஷார்! 232 போலி லொத்தர் சீட்டுக்களுடன் ஒருவர் சிக்கினார்...

போலியான லொத்தர் சீட்டுக்களை விற்பனை செய்த ஒருவர் கைது குருநாகலில் செய்யப்பட்டுள்ளதாக பொலிஸார் தொிவித்துள்ளனர். 

கைதான நபரிடமிருந்து சுமார் 232 போலி லொத்தர் சீட்டுகளை பொலிஸார் கண்டுபிடித்துள்ளனர்.

போலி லொத்தர் சீட்டுகள் விற்பனை செய்யப்படுவதாக கிடைத்த தகவலையடுத்து குருநாகல் பொலிஸ் உத்தியோகத்தர்கள் 

நேற்று மாலை குறித்த லொத்தர் சீட்டு விற்பனை நிலையத்தினை திடீரென சுற்றிவளைத்திருக்கின்றனர். 

இதன்போது அங்கு 232 போலி லொத்தர் சீட்டுகளை வைத்திருந்த ஒருவர் கைது செய்யப்பட்டார்.

வாழைச்சேனை பிரதேசத்தை சேர்ந்த 26 வயதுடைய ஒருவரே இவ்வாறு கைது செய்யப்பட்டுள்ளார்.

சந்தேக நபர் இன்று (26) குருநாகல் நீதவான் நீதிமன்றில் ஆஜர்படுத்தப்படவுள்ளார்.