கட்டுப்பாடற்ற வேகம்! யாழ்.சிறுப்பிட்டியில் விபத்துக்குள்ளான இ.போ.ச பேருந்து..

யாழ்ப்பாணத்திலிருந்து பருத்தித்துறை நோக்கி பயணித்த இ.போ.ச பேருந்து வேக கட்டுப்பாட்டை இழந்து வாகனம் திருத்தும் கராச் ஒன்றுக்குள் நுழைந்து விபத்துக்குள்ளாகியுள்ளது. 

குறித்த விபத்தில் தெய்வாதீனமாக எவருக்கும் காயங்கள் ஏற்படவில்லை. யாழ்ப்பாணம் - பருத்தித்துறை 750 ஆம் இலக்க வழித்தட பேருந்தே இன்று வெள்ளிக்கிழமை காலை சிறுப்பிட்டி பகுதியில் வேக கட்டுப்பாட்டை இழந்து விபத்த்துக்குள்ளானது.

குறித்த விபத்தில், விபத்திற்கு உள்ளான பேருந்தும், கராச்சில் நின்ற வாகனங்களும் சேதமடைந்துள்ளன. சம்பவம் தொடர்பில் அச்சுவேலி பொலிஸார் விசாரணைகளை முன்னெடுத்துள்ளனர்.