இளம்பெண் ஒருவருக்காக நடந்த 2 வருட கோஷ்டி மோதல்! இரு பெண்கள் உட்பட 10 பேரை வாள்கள், கத்திகளுடன் மடக்கிய பொலிஸார்..

வாள்கள், கத்திகள் மற்றும் இரும்பு கம்பிகளுடன் இரு பெண்கள் உட்பட 10 பேர் குற்றத்தடுப்பு பொலிஸாரினால் கைது செய்யப்பட்டிருக்கின்றனர். 

பொரளை மற்றும் நாரஹேன்பிட்டி மெனிங் டவுண் பகுதியில் இடம்பெற்ற திடீர் சுற்றிவளைப்பில் குறித்த சந்தேகநபர்கள் கைது செய்யப்பட்டுள்ளனர். 

கைது செய்யப்பட்ட சந்தேகநபர்களிடமிருந்து இரண்டு வாள்கள், நான்கு பெரிய கத்திகள், இரண்டு கத்திகள், ஆறு இரும்பு கம்பிகள் ஹொக்கி தடிகள் மீட்டுள்ளது. 

சுமார் இரண்டு வருடங்களுக்கு முன்னர், இளம் பெண் ஒருவரை அடிப்படையாகக் கொண்டு இரு பகுதிகளிலும் இரு குழுக்களுக்கிடையில் மோதல்கள் ஏற்பட்டதாகவும், 

அண்மையில், பொலிஸ் விசாரணையில் போதைப்பொருள் கடத்தலின் அடிப்படையில் மோதல்கள் இடம்பெற்றுள்ளதாகவும் பொலிஸ் அதிகாரி ஒருவர் தெரிவித்தார்.

கைது செய்யப்பட்டவர்களில் கொலைச் சந்தேக நபரும் அடங்குவதாக பொலிஸார் தெரிவிக்கின்றனர்.