ஓடிக் கொண்டிருந்த மோட்டார் சைக்கிள் திடீரென தீப்பிடித்து எரிந்தது! மயிரிழையில் தப்பிய இளைஞன்..

வவுனியா நகர் பகுதியில் பயணித்துக் கொண்டிருந்த மோட்டார் சைக்கிள் ஒன்று திடீரென தீப்பிடித்து எரிந்துள்ளது. 

வவுனியா நகரிலிருந்து A- 9 வீதி ஊடாக பயணித்த மோட்டார் சைக்கிள் நீதிமன்றத்திற்கு முன்பாக திடீரென தீப்பிடித்து எரிந்துள்ளது. 

இதனையடுத்து, உடனடியாக அதன் சாரதி கீழே குதித்துள்ளதுடன், வீதியால் சென்றவர்கள் மற்றும் அயலில் இருந்தவர்களின் உதவியோடு 

தண்ணீர் ஊற்றி தீயை கட்டுக்குள் கொண்டு வந்துள்ளனர். எனினும், மோட்டார் சைக்கிள் தீயில் எரிந்து பகுதியளவில் சேதமடைந்துள்ளது.

இந்த சம்பவம் நேற்றுமுன்தினம் இரவு இடம்பெற்றுள்ளது.