பொலிஸ் நிலையத்திற்குள் நுழைந்து பொலிஸாரின் ஜீப் வண்டியை தாக்கி சேதப்படுத்திய வர்த்தகர் கைது!

பொலிஸ் நிலையத்திற்குள் நுழைந்து பொலிஸ் ஜீப் வண்டியை தாக்கி சேதப்படுத்திய 36 வயதான வர்த்தகர் ஒருவர் கொள்ளுப்பிட்டி பொலிஸாரினால் நேற்று காலை கைது செய்யப்பட்டிருக்கின்றார். 

சந்தேக நபரான வர்த்தகரின் நண்பர் ஒருவர் மதுபோதையில் வாகனம் செலுத்திய குற்றச்சாட்டின் பேரில் கொள்ளுப்பிட்டி பொலிஸ் போக்குவரத்து திணைக்கள அதிகாரிகளினால் கைதுசெய்யப்பட்டுள்ளார்.

இதனையடுத்து குறித்த வர்த்தகர் நேற்று காலை தனது நண்பரை பார்ப்பதற்காக பொலிஸ் நிலையத்துக்கு வந்தபோது, அங்கிருந்த பொலிஸ் ஜீப் மீது கை, கால்களால் தாக்குதல் நடத்தியதாக பொலிஸ் அதிகாரியொருவர் தெரிவித்தார்.

இதன்போது சந்தேகத்துக்குரிய வர்த்தகர் கைது செய்யப்பட்டதுடன், அவர் மதுபோதையில் இருந்தாரா என்பதை அறிய களுபோவில போதனா வைத்தியசாலையின் சட்ட வைத்தியரிடம் முன்படுத்தப்பட்டார்.