போலி இலக்கத்தகடு பொருத்திய வாகனத்தில், போலி துப்பாக்கியுடன் வீடொன்றுக்குள் நுழைந்து கொள்ளை முயற்சியில் ஈடுபட்டவர் கைது!

போலி இலக்கத்தகடு பொருத்தப்பட்ட வாகனத்தில் சென்று வீடொன்றில் நுழைந்து போலி துப்பாக்கியை காண்பித்து கொள்ளையிட முயற்சித்த ஒருவர் கைது செய்யப்பட்டுள்ளார். 

குறித்த சம்பவம் ஜா - எல பிரதேசத்தில் இடம்பெற்றுள்ளது. மேற்படி சம்பவம் தொடர்பாக பொலிஸ் விசேட அதிரடிப்படையினருக்கு கிடைத்த தகவலையடுத்து சந்தேகநபர் கைது செய்யப்பட்டுள்ளார். 

சந்தேக நபர் ஜா - எல பிரதேசத்தில் உள்ள வீடு ஒன்றுக்கு சென்று அங்கிருந்தவர்களுடன் வாக்குவாதத்தில் ஈடுபட்டு பின்னர் 

அவர்களை அச்சுறுத்தி கொள்ளையிட முயன்றதாக பொலிஸார் தெரிவித்தனர். கைது செய்யப்பட்ட சந்தேகநபர் 39 வயதான ஜா - எல பகுதியைச் சேர்ந்தவர்.