மத ஸ்தலத்தில் வைத்து 14 வயது சிறுமி மீது பாலியல் துஷ்பிரயோகம்! மத தலைவர் உட்பட 4 பேர் கைது, 2 பேர் சிறுமியின் உறவினர்களாம்...

14 வயதான சிறுமியை பாலியல் துஷ்பிரயோகம் செய்த குற்றச்சாட்டில் மத தலைவர் உட்பட 4 பேர் கைது செய்யப்பட்டிருக்கின்றனர். 

மொனராகலை - தொம்பகஹவெல பகுதியில் இந்த சம்பவம் இடம்பெற்றுள்ளது. சம்பவம் தொடர்பாக மேலும் தொியவருவதாவது, 

ஜா- எல பிரதேசத்தை சேர்ந்த குறித்த மாணவி , தொம்பகஹவெல பிரதேசத்தை சேர்ந்த தனது உறவினர் வீட்டுக்குச் சென்றிருந்தபோது இச் சம்பவம் இடம்பெற்றுள்ளது. 

சிறுமியின் உறவினர் இருவரின் உதவியுடன் சம்பந்தப்பட்ட மத ஸ்தலமொன்றின் தலைவர் மத ஸ்தலத்தில் வைத்து சிறுமியை பாலியல் வன்கொடுமை செய்துள்ளார்.

மேலும் சந்தேகத்தில் கைதான தலைவரின் சகோதரர் ஒருவரும் மாணவியை பாலியல் வன்கொடுமை செய்துள்ளதாக விசாரணைகளில் இருந்து தெரியவந்துள்ளது.

கைது செய்யப்பட்ட நால்வரில் இருவர் குறித்த மாணவியை பாலியல் துஷ்பிரயோகத்துக்கு உட்படுத்த உடந்தையாகவிருந்த மாணவியின் உறவினர்களாவர்.