மதுபானம் அருந்திக் கொண்டிருந்த இடத்தில் மோதல்! இரும்பு கம்பியால் அடித்துக் கொல்லப்பட்ட நபர்...

மதுபானம் அருந்திக் கொண்டிருந்த இடத்தில் இடம்பெற்ற மோதலில் இரும்பு கம்பியால் தாக்கப்பட்டு ஒருவர் கொல்லப்பட்டுள்ளார். 

குறித்த சம்பவம் புத்தளம் - நுரைச்சோலை பகுதியில் கடந்த ஞாயிற்றுக்கிழமை இடம்பெற்றுள்ளது. 

தகராறில் ஈடுபட்ட இருவரும் மது போதையில் இருந்துள்ளதாகவும், இவர்களுக்கு இடையில் கருத்து முரண்பாடு ஏற்பட்டுள்ளது. 

இதன்போது 54 வயதான நபர் இரும்பு கம்பியால் தாக்கிய நிலையில் 35 வயதுடைய மாம்புரிய பிரதேசத்தைச் சேர்ந்த ஒருவர் உயிரிழந்துள்ளார். 

சம்பவத்தோடு தொடர்புடைய 54 வயதுடைய சந்தேக நபர் கைதுசெய்யப்பட்டு, புத்தளம் நீதிவான் நீதிமன்றில் ஆஜர்படுத்தப்பட்டுள்ளார்.

மேலதிக விசாரணைகளை நுரைச்சோலை பொலிஸார் முன்னெடுத்து வருகின்றனர் என்பது குறிப்பிடத்தக்கது.