வீட்டில் சமைத்துக் கொண்டிருந்த பெண் மின்சாரம் தாக்கி உயிரிழப்பு!

வீட்டில் சமைத்துக் கொண்டிருந்த பெண் ஒருவர் வெளிச்சம் போதாமையால் மின் குமிழ் ஒன்றை பொருத்த முயற்சித்தபோது மின்சாரம் தாக்கி உயிரிழந்துள்ளார். 

குறித்த சம்பவம் புத்தளம் - பாலாவி பகுதியில் நேற்று அதிகாலை 5.30 மணியளவில் உள்ள வீடொன்றில் இடம்பெற்றிருக்கின்றது. 

புத்தளம் தில்லையடி பகுதியைச் சேர்ந்த 47 வயதுடைய பெண்ணொருவரே இவ்வாறு மின்சாரம் தாக்கி உயிரிழந்துள்ளார்.

இந்நிலையில் உயிரிழந்த பெண்ணின் சடலம் புத்தளம் ஆதார வைத்தியசாலையின் பிரேத அறையில் வைக்கப்பட்டுள்ளதாக பொலிஸார் தெரிவித்தனர்.