மகன் கொள்ளையடித்த நகைகளை வங்கியில் அடகுவைத்து பணம் பெற்ற தாய் உட்பட 4 பேர் கைது!

மகன் கொள்ளையடித்துவந்த நகைகளை அடகுவைத்துப் பணம் பெற்ற தாய் மற்றும் மகன் உட்பட 4 பேர் பொலிஸாரினால் கைது செய்யப்பட்டுள்ளனர்.

அக்கீமன  பிரதேசத்தை சேர்ந்த 54 வயதுடைய தாயும்  அவரது 22 வயது மகன் மற்றும் அவரது மகனின் நண்பர்களான  23 மற்றும் 28 வயதுடைய இருவருமே சந்தேகத்தில் கைது செய்யப்பட்டுள்ளனர்.

மேலதிக விசாரணையில், சந்தேக நபரின் மகன் ஹெரோயின் தருவதாக கூறி மஹமோதர பிரதேசத்தில் உள்ள ஒருவரிடமிருந்து 700,000 ரூபாவை பெற்றுக்கொண்டதாகவும், 

எனினும் குறித்த ஹெரோயின் தொகையை வழங்க முடியாமல் போனதாகவும் தெரிய வந்துள்ளது.

இதன் காரணமாகவே சந்தேக நபர் இவ்வாறு தனது இரு நண்பர்களின் உதவியுடன்  ஒருவரின் நகையை திருடியமை விசாரணைகளில் தெரியவந்துள்ளது.