இலங்கை கிரிக்கெட் அணியின் அடுத்த தலைவர் இவர்தான்!! -கூறுகிறார் சமிந்த வாஸ்-

தனஞ்சய டி சில்வா இலங்கை தேசிய கிரிக்கட் அணியின் எதிர்காலத்தை எழுதுவார் என்று தான் நம்புவதாக இலங்கை அணியின் பந்துவீச்சு ஜாம்பவான் சமிந்த வாஸ் தெரிவித்துள்ளார்.

உள்ளூர் பேச்சு நிகழ்ச்சியின் போது பேசிய முன்னாள் இலங்கை கிரிக்கெட் வீரர், தனஞ்சய டி சில்வா கிரிக்கெட்டின் 3 வடிவங்களிலும் ஏற்கனவே விளையாடும் ஒரு கிரிக்கெட் வீரர், அதாவது டெஸ்ட், ஒரு நாள் சர்வதேச மற்றும் ரி-20.

தனஞ்சய டி சில்வா விளையாட்டைப் பற்றிய சிறந்த புரிதலைக் கொண்டவர், புத்திசாலி, மேலும் சிறப்பாகச் சிந்திக்கும் திறனைக் கொண்டவர் என்று வாஸ் கூறினார்.

எனது தனிப்பட்ட கருத்துப்படி, தனஞ்சய டி சில்வா அணித்தலைவர் பதவிக்கு மிகவும் பொருத்தமானவர் என்று நான் நினைக்கிறேன். ஏனெனில் அவரால் 3 வடிவ கிரிக்கெட் போட்டிகளிலும் செயற்பட முடியும். லங்கா பிரீமியர் லீக் அணியின் தலைவராக தனஞ்சயவை அனுமதிப்பது எதிர்காலத்தில் வீரர்களுக்கும் நன்மை பயக்கும் என்று அவர் மேலும் கூறினார்.

தனஞ்சய டி சில்வா தேசிய கிரிக்கட் அணிக்குள் நுழைவதற்கு முன்னர் அவருடன் இணைந்து பணியாற்றியுள்ளதாகத் தெரிவித்த வாஸ், அந்த வீரருக்கு நல்ல சிந்தனை உணர்வு இருப்பதாகவும், அத்தகைய வீரர்களை சீர்படுத்த வேண்டும் என்றும் கூறினார்.